Suai 23 Marsu 2007
Sabino: Lasama, Maubere Original Nia Oan
SUAI – Sekretariu Jeral Partidu Demokratiku (PD), Mariano Sabino deklara ba populasaun Suai, Covalima, katak, Fernando de Araujo “Lasama” nudar ema Maubere originaria nian oan.
Lasama sei lori povu Maubere atu kaer rasik kuda tali nebee ema seluk hadau tiha no hodi Maubere nia naran atu ukun, maibe sira ukun so halo terus povu Maubere deit.
Deklarasaun Sabino nee hato’o iha primeiru kanpanha, Sesta-feira (23/3), iha kampaina kandidatu Fernando Lasama iha Suai, Covalima. Tanba nee Sabino husu ba povu Maubere iha Suai no Covalima tomak atu hili Maubere kiik nian oan hodi tuur iha kadeira Prezidente RDTL atu ukun, lori Maubere ba moris diak.
Primeiru dia kampanha nee, Lasama halo iha area gereja Ave Maria Suai. Prezensa iha kampaina nee ema rihun resin. Iha nia diskursu, kandidatu Prezidente Fernando Lasama hatete, too ona tempu atu Maubere oan sira halo mudansa, maibe mudansa nee tenki liu husi eleisaun. Karik “Hau eleitu sai prezidente, hau sei lori povu sai husi tanis nia laran, hodi moris hakmatek iha dame no paz nia laran,” katak Lasama
Nia promete katak, atu hadia instituisaun F-FDTL nebee ema fahe tiha ona, no hadia mos PNTL nebee naksobu tanba ema seluk nia interese. Atu nunee bele hametin fali no metin liu tan soberania nasaun foun nee nebee ema aat sira estraga tiha.
Fundador Estudante Renetil (Resistensia Estudantes Timor Leste) nee mos promete atu hadia justisa. Para nunee povu Mauberi bele hetan justisa lolos no justu. No halao dezenvolvementu husi baze too nasional. bre
Subscribe to:
Post Comments (Atom)
2 comments:
Maubere original nia oan hola buibere original hanesan Lu Olo. Laos buka fali filipina ka australiana ka indonesia.
Ne´e la iha buat ida,importante maka ne´e Maubere ne´e ema lalika manipula tan,no lalika Sama tan.Ho Lu´olo,facil ema sama no ema manipula,tamba nia Constituição hakerek oin ida,Maputo sira manipula nia.
Post a Comment