Horta: Partidu CNRT Importante Ba Nasaun
DILI – Partidu Congressu Nasional Rekonstrusaun
Timoerense (CNRT) nebee atu hari iha tempu badak nia
laran, sei lidera husi atual Prezidenti Republika
Xanana Gusmão sei hetan suporta makaas husi veteranus
sira inkluindu kandidatu Prezidenti Republika Jose
Ramos Horta.
PM Horta hatete, karik Xanana Gusmão hakarak husik
kargu Prezidenti Republika hodi buka Parlamentu
Nasional no Governu, nee importante duni. “Se
Prezidenti soe kargu Prezidensial hodi buka Parlamentu
Nasional no Governu hau fiar, nee importante ba
nasaun,” hatete PM Jose Ramos Horta ba STL iha nia
servisu fatin foin dadauk nee.
Nia dehan, Timor Leste hetan ukun rasik aan, tanba
esforsu makaas husi Xanana Gusmão. Tanba, vizauan
Xanana hodi hamoris no kaer rezistensia iha 1981 para
hatudu dalan ba povu. Neduni, rezistensia sai naran
boot iha Indonesia nomos mundu tomak.
Tuir Horta, iha TL laiha ema ida mak konhese povu
nasaun nee hanesan Xanana Gusmão. “Nia senti duni povu
nia problema no terus hamutuk ho povu”. Ramos Horta
hatutan, neduni, se karik Prezidenti Xanana iha hanoin
atu halo partidu foun, nee importante ba nasaun.
Horta rasik fo suporta ba Xanana Gusmão atu hari
Partidu CNRT, maibe nia labele involve aan iha partidu
ida, inklui mos CNRT, tanba nia kandidata aan ba
Prezidenti Republika nudar ema independenti.
Bainhira manan iha Eleisaun Prezidensial, fulan Abril
oin mai, Horta prontu atu servisu hamutuk ho partidu
nebee manan eleisaun. “Fretilin mak manan, hau sei
servisu makaas ho Fretilin. See CNRT mak manan mos
hanesan. Nunee, se kandidatu seluk mak manan hau sei
servisu hamutuk ho sira,” nia haktuir.
Mesmu, rona ema barak hatete partidu CNRT nee atu
hari, maibe too agora Horta rasik seidauk simu surat
ida husi partidu nee. Nunee, Prezidenti Xanana rasik
mos seidauk konfirma assuntu ida nee ba nia.
Subscribe to:
Post Comments (Atom)
3 comments:
Partido CNRT ba lohi lekirauk!!!
Não estou a perceber a atitude deste site. Fazem a promoção do PD, das suas acções, do seu programa, do seu candidato presidencial, o grande Fernando lasama, ou
vem para aqui só com posts referentes ao Ramos Horta. Eu quero lá saber do que diz ou faz esse tipo. Ou então, o site do PD devia comentar e desmistificar as asneiras que diz e faz o ramos Horta.
Acho que nao e erro nenhum postar informacoes sobre outro candidato presidencial neste blog. Desmistificar ou nao as asneiras do Ramos-Horta deixamos ao criterio do leitor.
Post a Comment